د حضرت ابو عبیده بن جراح ملي دفاع پوهنتون د ۲۳۵ تنه محصلینو په فراغت غونډه کې د ملي دفاع سرپرست ګډون وکړ

s.mohmand
جمعه ۱۴۰۲/۱۱/۱۳ - ۱۷:۳۰
د حضرت ابو عبیده بن جراح ملي دفاع پوهنتون د ۲۳۵ تنه محصلینو په فراغت غونډه کې د ملي دفاع سرپرست ګډون وکړ

د ملي دفاع وزارت د تعلیماتو او پرسونل معینیت اړوند حضرت ابو عبیده بن جراح ملي دفاع پوهنتون د حضرت معاذ ابن جبل ملي پوځي اکاډمۍ له پنځلسمې دورې څخه ۲۳۵ تنه محصلین نن د یولړ ځانګړو مراسمو په ترڅ کې فارغ شول.

په  ياد غونډه کې د ملي دفاع وزارت سرپرست وزیر مولوي محمد یعقوب مجاهد او د افغانستان اسلامي امارت د کابینې يو شمير غړو، مسؤلينو، مشرانو او مجاهدينو ګډون کړي وو. د ملي دفاع وزارت سرپرست وزير مولوي محمد يعقوب "مجاهد" د وينا په مهال محصلينو ته سپارښتنه وکړه: چې تاسو د دې خاورې بچیان یاست او دې خاورې ته به خدمت کوئ او د اسلامي او ملي ارزښتونو ترڅنګ به سرحداتو ساتنه کوئ، تاسو ته ملت اميدونه لري او د ملت شتمني په تاسو مصرف شوې، بايد خپل مسؤليت په ښه اخلاص ترسره کړئ؛ قومي، نژادي او سمتي تبعيض څخه ځانونه وساتئ. همدا راز د بهرنیو چارو وزارت سیاسي مرستیال الحاج شير محمد عباس " ستانکزي" د وينا په مهال وويل: لکه څنګه چې زموږ سلفو قرباني ورکړې، همدارنګه به موږ هم قرباني ورکوو، او خپل هیواد او خاورې ته به خدمت کوو، ملت بايد راضي کړو، ترڅو زموږ ملت زموږ سره اوږه په اوږه ودرېږي.

همدا راز مسؤلینو زیاته کړه: دغه محصلين به په آينده کې د دغه هیواد او خاورې ساتنه کوي او محصلينو ته اوس مسؤليت ورسپارل کېږي، بايد خپل مسؤليت ته متوجه شي. غونډه د ملي دفاع سرپرست وزير مولوي محمد يعقوب "مجاهد" له لوري د دیپلومو په ورکولو سره پای ته ورسېده.

وروستي خبرونه

جمعه ۱۴۰۳/۱/۱۰ - ۱۱:۳۸
Background image

د وسله وال پوځ لوی درستيز او حکومت د کابینې غړو په ګډون کې د ځانګړو قطعاتو د ۱۳۳۸ تنه منسوبينو فراغت د ځانګړو مراسمو په ترڅ کې ترسره شو

د ملي دفاع وزارت د ځانګړو قطعاتو د ۱۳۳۸ تنو ځوانو منسوبينو فراغت نن د وسله وال پوځ لوی درستیز قاري محمد فصیح الدین " فطرت"، د لوړو زده کړو سرپرست شیخ ندا محمد " ندیم"، چارواکو، علماء. . .

شنبه ۱۴۰۳/۱/۴ - ۱۸:۴۷
Background image

د وسلوال پوځ لوی درستيز د شهيد سردار محمد داود خان روغتون کې د ټپیانو او ناروغانو څخه لیدنه وکړه

د هیواد د وسلوال پوځ لوی درستيز الحاج قاري محمد فصیح الدین"فطرت" په داسې حال کې چې ورسره د عامې روغتیا ریاست مسؤلینو او ډاکټرانو هم ملتيا کوله، د کندهار ولايت د وروستۍ پېښې له ټپیانو او. . .

چهارشنبه ۱۴۰۳/۱/۱ - ۹:۱۴
Background image

د وسله وال پوځ د لوی درستیز مرستیال پکتیا ته ولاړ

د ملي دفاع وزارت رهبري د هدایت پر اساس د هېواد د وسله وال پوځ د لوی درستیز مرستیال حاجي مالي خان "صدیق" د وضعیت ارزونې په موخه د پکتیا ولایت ډنډ پټان ولسوالۍ ته ولاړ او هلته یې په فرضي. . .

بېرته خبرونه ته