د ملي دفاع وزارت لومړي مرستیال او سرپرست او د کورنیو چارو وزیر د سرتیري د ملي ورځې په مناسبت د سرتیرو د لیدنې، ستاینې او تقدیر په موخه کندهار ولایت ته سفر وکړ
د ملي دفاع وزارت لومړی مرستیال او سرپرست شاه محمود "میاخېل" او د ملي دفاع وزارت یوشمیر جنرالانو او افسرانو، د سرتیري د ملي ورځې د لمانځلو په موخه نن کندهار ولایت ته سفر وکړ.
د ملي دفاع وزارت لومړي مرستیال په ۲۰۵ اتل قول اردو کې د سرتیري د ملي ورځې په مناسبت په جوړې شوې غونډې کې د خپلو خبرو په ترڅ کې، د سرتیري ملي ورځ یې دوی ته مبارکي وویلې او له ترهګرو سره د جدي مبارزې او د خلکو د ځان او مال څخه د دفاع په برخه کې د دفاعي او امنیتي اتلو ځواکونو مېړانې او سرښیندنې یې وستایلې او په نقدي مکافاتو او ستاینلیکونو یې وستایل.
همداراز د ملي دفاع وزارت لومړي مرستیال او سرپرست د کندهار په ساحوي روغتون کې له یوشمیر ټپي شویو سرتیرو عیادت وکړ او د سرتیري د ملي ورځې په مناسبت یې له دوی سره نقدي مرستې وکړې.
