د ۲۰۳ منصوري قول اردو ۵۱ تنه مجاهدین د مخابرې له مسلکي کورس څخه فارغ شول
د ۲۰۳ منصوري قول اردو ۵۱ تنه مجاهدین د مخابرې او محرم شفر په څانګو کې له دوه میاشتنیو مسلکي او عملي زده کړو وروسته په بریالیتوب سره فارغ شول.
د دغو مجاهدینو د فراغت په مراسمو کې د ۲۰۳ منصوري قول اردو قومندان قاري محمد ایوب "خالد" او د دې اردو د بېلابېلو څانګو مسؤلینو ګډون کړی وؤ.
د ۲۰۳ منصوري قول اردو قوماندان فارغان وهڅول چې له خپلې مسلکي پوهې څخه په قطعاتو او جزو تامونو کې په اغیزمنه او ګټوره توګه کار واخلي.
په پای کې فارغانو ته د فراغت سندونه هم ورکړل شول.
