د هیواد وسله والو پوځ لوى درستيز تخار ولايت ته ولاړ
د وسله وال پوځ لوی درستیز قاري محمد فصیح الدین "فطرت " د هيواد په شمال ختیځ زون کې د ملي اسلامي اردو له قطعاتو او جزوتامونو څخه د لیدنې او کتنې په دوام نن تخار ولایت ته ولاړ.
د دغه سفر په ترڅ کې لوی درستیز د تخار له والي مولوي عبیدالله "امین زاده" او په دغه ولایت کې د ۲۱۷ عمري قول اردو د دوهمې پلې لواء له قوماندان مولوي عتیق الله "اسامه" سره وکتل او ورسره یې د امنیت او نورو مسایلو په اړه هر اړخیزي خبرې وکړې.
همدارنګه د هیواد د وسله وال پوځ لوی درستیز په تخار کې د مجاهدینو له فعالیتونو او لاسته راوړنو قدردانۍ وکړ او مسوولینو ته یې د هغوی د ستونزو او وړاندیزونو د حل په موخه لازمې لارښوونې وکړې.
