د ملي دفاع وزارت لومړي مرستیال د روغتیایي چارو قوماندانۍ له بېلابېلو څانګو څخه لیدنه وکړه
د ملي دفاع وزارت لومړي مرستیال الحاج ملا محمد فاضل "مظلوم" په داسې حال کې چې د ستردرستیز د روغتیايي چارو قوماندان یې ملتیا کوله ، د رادیولوژي خدمتونو، د ایکسرې، ټلویزیوني معایناتو، انجیوګرافي، د مصنوعي اعضاوو د تولید له مرکز او د یادې قوماندانۍ د وزیر محمد اکبر خان له تالار څخه لیدنه وکړه.
په دې کتنه کې د ملي دفاع وزارت لومړي مرستيال د ستردرستیز د روغتیایي چارو قوماندانۍ له پرسونل څخه د ګزارش اورېدلو او د ملي اسلامي اردو منسوبینو او د هغوی کورنیو ته د ښه خدمت کولو تر څنګ د دوی شپه او ورځ هڅې وستایلې او د ستونزو د حل کولو ډاډ یې ورکړ.
