د ملي دفاع وزارت د تامینات تکنالوژي او لوژستیک معنیت لپاره نوی معاون وټاکل شو

د اميرالمؤمنين د حکم په اساس مولوي عبدالله "بشیر" د ملي دفاع وزارت د تامينات تکنالوژي او لوژستیک معنیت لپاره د نوي معاون په توګه نن د يو لړ مراسمو په ترڅ کې چې د ملي دفاع وزارت لومړي مرستيال ملا محمد فاضل "مظلوم" له لوري معرفي او رسماً يي خپل کار پیل کړ. 

په دغه مراسمو کې ملا محمد فاضل "مظلوم" تغير او تبديل د نظام يو اصل وباله او مسؤلين يي خپلو مسئوليتونو ته متوجه کړل او د مخکني معاون مولوي محمد ظریف "مظفر" د کړنو ستاینه یې وکړه. 

همدارنګه مولوي عبدالله "بشير" د اسلامي امارت د رهبرۍ له باور څخه قدرداني وکړه او وعده يي وکړه چې خپل ورسپارل شوی مسؤلیت به د نافذه قوانينو په چوکاټ کې په ښه طريقه ترسره کوي.