د هیواد د وسلوال پوځ لوی درستیز د (VTC) سیستم پرانیست غونډه کې ګډون وکړ
نن ورځ د ملي دفاع وزارت په مقر کې د هیواد د وسلوال پوځ لوی درستیز قاري محمد فصیح الدین "فطرت" د VTC له ( سیمیزو قول اردوګانو سره د ویډیویي کنفرانس) د نوي جوړي سیستم په پرانیست غونډه کې ګډون وکړ.
دغه نوی سیستم د مخابرې او تکنالوژي ریاست له لوري په نوي ابتکار سره جوړ شوی چې د ټولو سیمیزو قول اردوګانو، قطعات او جزوتامونه له مرکز او یو بل سره نښلوي چې ظرفیت یې تر پنځوس تنو پورې ویډیو کنفرانس بیدون له انترنیټ څخه په شفاف غږ سره په اړیکه کې کولای شي.
د یادونې وړ ده چې دغه ویډیويي کنفرانس مخکې د (R _ Mix Manager) ماشین په توسط ترسره کېده، چې اوس مهال په یو نوي سافټویر سره وصلیږي.
دغه کنفرانس کې قاري محمد فصیح الدین "فطرت" د مخابرې او تکنالوژي ریاست د مسؤلینو د هلو ځلو قدردانی وکړ او زیاته یې کړه چې موږ باید د اسانتیاوو راوستلو لپاره داسې نور نوښتونه هم وکړو، همدا راز د وسلوال پوځ لوی درستیز د دغه سیستم په بیا فعالولو سره د یاد ریاست رئیس مولوي صلاح الدین "خویدم" ته پخپلو لاسونو تقدیرنامه هم ورکړه.
