د تخار د بهارک ولسوالۍ پراخې سیمې د طالبانو له شتون څخه پاکې شوې
طالبانو په تیرو څو ورځو کې د بهارک ولسوالۍ په څو کلیو کې تجمع کړې وه او ددغې ولسوالۍ د خلکو د ځورونې لامل شوي وو.
د هېواد ملي دفاعي او امنیتي ځواکونو د فعالې دفاع په چوکاټ کې دغه سیمې د دښمن له شتون څخه پاکې کړې او اوس د بهارک ولسوالۍ اوسیدونکي کولای شي د دښمن له ویرې او ډار پرته خپل ژوند ته دوام ورکړي.
د هېواد د وسله وال پوځ لوی درستیز ستر جنرال محمد یاسین ضیا خبریالانو ته په خبرو کې وویل: د خلکو د ځان او مال د ساتنې لپاره د هېواد د دفاعي او امنيتي ملي ځواکونو هڅې به له پخوا لا نور هم ډېر شي.
