د ستردرستیز لومړي مرستیال د ډېورنډ فرضي کرښې په اوږدو کې له امنیتي پوستو څخه لیدنه وکړه
د ملي دفاع وزارت د وسلوال پوځ ستردرستيز لومړي مرستیال حاجي مالي خان"صدیق" د ۲۰۱ خالد بن وليد (رض) قول اردو اړوند د ننګرهار ولايت مهمندرې ولسوالۍ په مربوطاتو کې د فرضي کرښې په اوږدو کې له جوړېدونکو پوستو څخه لیدنه وکړه.
د ستر درستیز لومړي مرستیال له جوړيدونکو پوستو څخه د ليدنې پرمهال د پوستو جوړولو د قراردادي شرکت مسٶولينو، انجينرانو او کارکوونکو ته په اړوندو برخو کې لازمې لارښوونې وکړې.
همدا راز د ستردرستیز لومړي مرستيال هلته ميشتو مسؤولينو او مجاهدينو سره هم له نږدې وليدل، د هغوی ستونزې یې واورېدې او د حل ډاډ سربېره يې ورسره د هر اړخيزو همکاريو ژمنه وکړه.
